ҲАФТАИ ИЛМ ВА ИННОВАТСИЯ

 

Тасдиқ мекунам

М. Афғонов

Сардори Раёсати маорифи

шаӽри Душанбе

«__» __________201сол

 

 

 

Низомномаи

         Форуми наврасону ҷавонони шаҳри Душанбе оид ба технологияҳои иттилоотӣ ва коммуникатсионӣ бахшида ба  “Соли ҷавонон” эълон гардидани соли 2017 ва ба муносибати Рўзи ҷавонони Тоҷикистон

        

Муассиси озмун:                                                         Раёсати маорифи шаҳри Душанбе                                                                                   

        

Ташкилкунандаи озмун:                                        Маркази технологияи информатсионӣ                                                                                                                                                                                                                                    ва коммуникатсияи шаҳри Душанбе

 

Иштирокчиёни озмун:                                            хонандагони муассисаҳои таълимии                                                                                                                                                                                                                                        шаҳри Душанбе.

                                                                 

 

 

I. Қоидаҳои умумӣ

1. Форуми наврасону ҷавонони шаҳри Душанбе оид ба технологияҳои иттилоотӣ ва коммуникатсионӣ бахшида ба “Соли ҷавонон” эълон гардидани соли 2017 ва ба муносибати Рўзи ҷавонони Тоҷикистон бо мақсади баланд бардоштани сатҳи фарҳанги техникӣ, маданияти иттилоотии интернетӣ, оммафаҳмии технологияи иттилоотӣ, тарғиби имкониятҳои шабакаи Интернет дар рушди  сатҳи донишу дараҷаи ҷаҳонбинии наврасон ва ҷавонон  гузаронида мешавад.

2. Муассиси Форум Раёсати маорифи шаҳри Душанбе буда, ташкуликунандаи  он Маркази технологияи информатсионӣ ва коммуникатсияи шаҳри Душанбе мебошад.

3. Иштирокчиёни озмун метавонанд дар форум ба таври фардӣ (индивидуали) ва ё ба таври даставӣ (гурўҳӣ, ки шумораи он номаҳдуд аст) иштирок намоянд. Иштирокчии форум ҳақ дорад корҳои эҷодии худро аз рўи намудҳои гуногун,ки  дар шартҳои он нишон дода шуда, ба кумитаи тадорукот  пешниҳод намояд.

4. Дар форум хонандагони муассисаҳои таълимии шаҳри Душанбе новобаста аз шакли моликият ва  тобеияташон ва донишҷуёни донишгоҳҳова донишкадаҳои шаҳри душанбе ҳуқуқ доранд ширкат варзанд. 

 

 

 

II. Намудҳои озмун

        

1.  «Барномасозӣ»   

         Дар Озмун  иштирокчиён мувофиқи шартҳои он метавонанд корҳои эъҷодии худро дар шаклҳои гуногун пешниҳод намоянд. Шартҳои ин намуди озмун чунинанд:

 

2.  «Веб барномасозӣ»

Дар ин намуди Озмун иштирокчиён метавонанд ба фаъолияти сохти сомонаҳо (сайтсозӣ) машғул гашта, онро пешниҳод намоянд.  Иштирокчиён метавонанд коркардҳои худро дар шаклҳои гуногун ба дар мавзўҳои таълимӣ пешниҳод созанд.  Шартҳои ин намуди озмун чунинанд:

 

3. Сохтани манбаи маълумот (база данных)

         Дар ин намуди Озмун иштирокчиён метавонанд бо истифода аз барномаҳои мухталиф шакли (шаблони)  манбаи маълумот (база данных)-ро омода намуда, пешниҳод намоянд. Манбаи маълумот метавонад доираи васеъи мавзўҳоро фаро гирад.

 

4. Сохтани шабакаҳои иттилоотӣ

Дар ин намуди Озмун иштирокчиён метавонанд лоиҳаи (модели)  сохти шабакаҳои иттилоотиро пешниҳод намоянд. 

 

III. Шартҳои Озмун

 

Барои ҳамаи намудҳои Озмун шартҳо  чунин мебошанд:

 

 

IV. Меъёри баҳогузорӣ дар Озмун

 

Овоздиҳӣ аз ҷониби ҳакамон  ба таври алоҳида аз тарафи ҳар як аъзои ҳакамон аз рўи низоми 100-бала бо меъёрҳои баҳогузории зерин гузаронида мешавад:

 

 

Ҳамчунин меъёрҳои зерин низ барои баҳогузорӣ ба инобат гирифта мешаванд:

 

 

 

V.Ҷамъбасти Озмун:

 

1. Ҳайати  ҳакамон аз ҳисоби мутахассисони беҳтарини соҳа  интихоб карда мешаванд, аз ҷумла аз ҳисоби устодону олимони муассисаҳои таҳислоти олии касбӣ, ки онҳо бо корҳои ба Озмун пешниҳодшуда шинос мешаванд ва ғолибонро муайян мекунанд.

 

VI. Мукофотонии ғолибони Озмун

 

Ғолибони Озмун аз тарафи ҳайати ҳакамон муайян карда шуда, аз ҷониби таъсискунадагони Озмун бо тўҳфаҳои хотиравӣ ва ифтихорномаҳо қадрдонӣ карда мешаванд.

7-ми июни соли 2021, 09:59

ЭЪЛОН!

Гузаронидани мулоқотҳои судманд ва соатҳои тарбиявӣ бо хонандагони Муассисаҳои таълимии ноҳияи Исмоили Сомонӣ       Рӯзҳои 26, 28-уми май ва 4 июни соли равон дар асоси нақшаи чорабиниҳои Сарраёсати маорифи шаҳри Душанбе, аз ҷониби кормандони Муассисаи давлатии “Маркази рушди истеъдодҳои ноҳияи Исмоили Сомонӣ” бо хонандагони муассисаҳои таҳсилоти миёнаи умумии №№8, 53, 70 ва Гимназияи №9 ба номи Низомӣ мулоқоти судманд ва соатҳои тарбиявӣ ташкил ва баргузор гардид.          Мақсад аз баргузории вохӯриҳо ин амалигардонии иҷрои Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ва пешгирии ҷинояту ҷинояткорӣ дар байни ноболиғон буда, барои баланд бардоштани маърифати ҳуқуқӣ, савияи дониш ва тарбияи ин қишри ҷомеа дар руҳияи ватандӯстию хештаншиносӣ мебошад.            Дар рафти мулоқотҳои судманд ва соатҳои тарбиявӣ директори Муассисаи давлатии “Маркази рушди истеъдодҳои ноҳияи Исмоили Сомонӣ” Сафаров Р. оид ба ахлоқи намунавии хонандагон, ташаккули худшиносии миллӣ ва меҳанпарастӣ, аз байн бурдани низоъҳои байнисинфӣ ва байнимактабӣ, ба тайёрии хуб ва сари вақт ҳозир шудан ба дарсҳо, таъсири манфии сомонаҳои иҷтимоӣ, таъсири бегонапарастӣ ба ҷаҳонбинии наврасон ва ҷалби бештари толибилмон ба озмун ва олимпиадаҳо, мутолиаи китобҳои бадеӣ ва илмҳои замони муосир суханронӣ намуданд.                  Ҳамчунин дар вохӯриҳо иброз гардид, ки бояд хусусан духтарон мавқеи хешро дар инкишофи ҷомеа мустаҳкам намоянд, зеро тарбиятгари насли наврас зан-модар аст.                      Мавриди зикр аст, ки барои ноил гардидан ба ин мақсад зарурати омӯзиши фанҳо ва иштироки фаъол намудани хонандагон  дар корҳои ҷамъиятӣ, иштирок дар олимпиадаҳои фаннӣ, сабқатҳои илмӣ-эҷодӣ зарур аст.                     Қобили қайд аст, ки баргузории чунин мулоқотҳои судманд бо толибилмон аз манфиат холӣ набуда, барои тарбияи дурусти онҳо ва дар ҷодаи илм рушд ёфтани онҳо заминаи хуб мегузорад.

6-ми маи соли 2021, 17:45

ЭЪЛОН!

Махфили Турсунзодахонӣ         Санаи 5-уми майи соли ҷорӣ дар Муассисаи давлатии “Маркази рушди истеъдодҳои назди Сарраёсати маорифи шаҳри Душанбе” маҳфили илмӣ-адабӣ таҳти унвони “Мунодии сулҳ ва шоири тавоно” бахшида ба 110-солагии шоири халқии Тоҷикистон, Қаҳрамони Тоҷикистон Мирзо Турсунзода бо иштироки Низомӣ Муҳриддин –доктори илмҳои филологӣ, профессор, ректори Донишкадаи давлатии фарҳанг ва санъати Тоҷикистон ба номи Мирзо Турсунзода , мубашшири Акбарзод-номзади илмҳои филологӣ, адабиётшинос, корманди Академияи миллии илмҳои ҶТ ва ғолибони олимпиадаҳои фаннӣ баргузор гардид.         Чорабиниро директори Муассисаи давлатии “Маркази рушди истеъдодҳои назди Сарраёсати маорифи шаҳри Душанбе” Асҳобиддини Шералӣ оғоз намуда оид ба фаъолият ва қаҳрамониҳои устод Мирзо Турсунзода ёдовар шуд. Сипас аз ҷониби меҳмонон ва хонандагон оид ба ҳаёт ва фаъолияти адабӣ ва ҷамъиятиву сиёсии устод Мирзо Турсунзода маърузаҳо ироа гардид. Дар идомаи чорабинӣ озмуни “Иншои беҳтарин” дар мавзӯи “Мирзо Турсунзода-вассофи сулҳу дӯстӣ”, “Беҳтарин расм” дар мавзӯи “Турсунзода-Қаҳрамони Тоҷикистон” ва “Турсунзодахонӣ” ҷамъбаст шуда ғолибон бо ифтихорнома ва тӯҳфаҳои хотиравӣ сарфароз гардониданд. Мавриди зикр аст, ки дар чорабинии мазкур 16 нафар хонанда аз муассисаҳои таълимии ноҳияи Исмоили Сомонӣ бо ифтихорномаҳо сарфароз гардиданд:               - “Иншои беҳтарин” дар мавзӯи “Мирзо Турсунзода-вассофи сулҳу дӯстӣ”- 2 нафар;               - “Беҳтарин расм” дар мавзӯи “Турсунзода-Қаҳрамони Тоҷикистон”-10нафар;               - “Турсунзодахонӣ”- 4 нафар. Кормандони Муассиса ғолибони озмунро самимона табрик намуда, барои иштирок дар озмунҳои минбаъда бурдбориҳои бепоёнро таманно доранд.

1-ми маи соли 2021, 16:46

ЭЪЛОН!

Дарс дар боғи устод Абӯабдуллоҳи Рӯдакӣ     Санаи 26-уми апрели соли равон дар боғи Устод Абӯабдуллоҳи  Рӯдакӣ- сардафтари адабиёти классики  форсу тоҷик бо хонандагони иттиҳодияи таълимии забон ва адабиёти тоҷик дарси озод гузаронида шуд. Қобили қайд аст, ки хонандагон дар назди пайкараи устод Рӯдакӣ нишаста дар фазои орому осуда ва оғӯши табиати биҳиштосои диёри азиз байни якдигар саволу ҷавоб доир ба шоирону нависандагони форсу тоҷик карданд, дар баробари ин байтбараку шеърхонӣ намуданд.      Маврид ба зикр аст, ки аллакай хонандагони иттиҳодияи таълимии забон ва адабиёти тоҷик аз ҳисоби синфҳои 11 дар даври ҷумҳуриявии Олимпиадаи фаннӣ аз худ натиҷаи хубу назаррас нишон доданд. Мо кормандони Муассиса Бовари ва умед аз он дорем, ки хонандагони иттиҳодияҳои таълимӣ дар Олимпиадаи фанниии дар пеш истода фаъолона иштирок намуда сазовори ҷойҳои намоён мегарданд.     Дар акс омӯзгори фанни забон ва адабиёти тоҷик Санифамоҳи Идрис бо шогирдон.

6-ми апрели соли 2021, 17:44

Эълон!

МУВАФФАҚИЯТИ ХОНАНДАГОНИ МУАССИСАҲОИ ТАЪЛИМИИ НОҲИЯИ И.СОМОНӢ ДАР ДАВРИ ЧОРУМИ (ҶУМҲУРИЯВӢ) ОЛИМПИАДАИ ФАННӢ БАРОИ СИНФҲОИ 11 АЗ ФАНҲОИ ГУМАНИТАРӢ Санаи 3 апрели соли 2021 дар Мактаби байналмилалии Президентии шаҳри Душанбе даври чоруми (ҷумҳуриявӣ) Олимпиадаи фаннии хонандагон аз фанҳои гуманитарӣ байни хонандагони синфҳои 11 баргузор гардид. Дар Олимпиадаи мазкур 21 нафар хонандагони муассисаҳои таълимии ноҳияи Исмоили Сомонӣ иштирок намуданд, ки аз ин шумора 12 нафарашон сазовори ҷойҳои намоён гаштанд: Ҷойи якум: 1. ҚурбоновҶаҳонгир Дилшодович - хонандаи МТМУ №8 аз фанни забон ва адабиёти тоҷик 2. Пулодов​ Дилнур Хуршедович - хонандаи Литсейи №3 аз фанни асосҳои давлат ва ҳуқуқ Ҷойи дуюм: ​ 1. Саъдуллоева Сабрина Наимҷоновна – хонандаиЛитсейи назди ДДМ аз фанни забон ва адабиёти рус ​ 2. Шодиева Сафина Парвизовна – хонандаи МТМУ №1 аз фанни забон ва адабиёти тоҷик ​ 3.Додоханов Умедҷон Файзуллоевич – хонандаи МТМУ №12 аз фанни забон ва адабиёти тоҷик ​ 4.Толибова Нурҷон Баҳромовна - хонандаи ​ МТМУ №8 аз фанни забони англисӣ ​ 5. Турсунзаде Шервин Эраджович – хонандаи Литсейи назди ДДМ аз фанни забони англисӣ ​ ​ 6. Файзов Шоҳрух Фаррухшоҳович - хонандаи Литсейи №3 аз фанни таърих ​ ​ 7. Рақибова​ Сумая Саидакбаровна- хонандаи МТМУ №10 аз фанни асосҳои давлат ва ҳуқуқ ​ ​ 8. Насриддинзода​ Мафтуна Муслиҳиддин - хонандаи Литсейи №3 аз фанни асосҳои давлат ва ҳуқуқ Ҷойи сеюм: ​ 1. Раҳматуллозода ​ Довуд ​ Неъматулло - хонандаи ​ Гимназияи Низомӣ аз фанни забони англисӣ ​ 2. Раҷабов Фаррух Ёрмаҳмадович – хонандаи ​ Литсейи №3 аз фанни таърих Муассисаи давлатии “Маркази рушди истеъдодҳои ноҳияи Исмоили Сомонӣ" ба падару модарони ​ хонандагон, омӯзгорон ва роҳбарони муассисаҳои таълимӣ барои саҳм гузоштанашон миннатдори худро баён намуда ба хонандагон барои дохил шудан ба муассисаҳои олӣ муваффақиятҳои пайвастаро таманно менамояд.

15-ми январи соли 2021, 13:08

ЭЪЛОН!

Ташкил ва баргузории Олимпиадаи даставии “Истеъдод” бахшида ба эълон гардидани солҳои 2020-2040 – “Бистсолаи омӯзиши ва рушди фанҳои табиатшиносӣ, дақиқ ва риёзӣ дар соҳаи илму маориф” Бо пайгирӣ аз сиёсати маорифпарваронаи Асосгузори сулҳу ваҳдати миллӣ, Пешвои миллат Президенти Ҷумҳурии Тоҷикистон муҳтарам Эмомалӣ Раҳмон ва бо дастгирии Мақомоти иҷроияи ҳокимияти давлатии шаҳри Душанбе аз ҷониби Муассисаи давлатии “Маркази рушди истеъдодҳои назди Сарраёсати маорифи шаҳри Душанбе” рӯзҳои 15 – 16 январи соли 2021 Олимпиадаи даставии “Истеъдод” бахшида ба эълон гардидани солҳои 2020-2040 - “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” ташкил ва баргузор карда мешавад. Ҳадаф аз ташкил ва баргузории Олимпиадаи мазкур ин ҳавасманд намудани хонандагон барои омӯзиши амиқи фанҳои дақиқ ва дарёфту рушди қобилиятҳои онҳо, дар байни хонандагон тарғиб ва паҳн намудани донишҳои илмӣ – амалӣ аз фанҳои табиӣ – риёзӣ, дарёфти хонандагони болаёқат ва рушди қобилияти зеҳнӣ ва эҷодии онҳо, ташвиқи хонанадагони боистеъдод ба корҳои илмӣ, таҳқиқотӣ ва ихтироъкорӣ, ташаккули тафаккури илмӣ ва мантиқии хонандагон, бедор намудани завқи онҳо дар ҳалли масъалаҳои ғайриоддӣ ва мусоидат намудан ба хонандагон дар интихоби бошууронаи касб ҷиҳати идомаи таҳсил дар зинаҳои минбаъдаи таҳсилот ба ҳисоб меравад. Дар ин ҷода Муассисаи давлатии “Маркази рушди истеъдодҳои назди Сарраёсати маорифи шаҳри Душанбе” воситаҳои муосири дарёфт ва рушди истеъдодҳоро ба роҳ мондааст. Олимпиадаи даставии “Истеъдод” таҷрибаи нахустин дар ҷумҳурӣ мебошад, ки бо чунин шакл ва услуби нав ташкил ва баргузор мегардад. Бояд тазаккур дод, ки дар Олимпиадаи мазкур хонандагони синфҳои 7-11 муассисаҳои таълимии шаҳри Душанбе иштирок менамоянд. Аз ҳар як ноҳияҳои пойтахт ду даста, 6 нафар хонанда аз литсей ва гимназияҳо (дастаи аввал) ва 6 нафар хонанда аз муассисаҳои таҳсилоти миёнаи умумӣ (дастаи дуюм) иштирок менамоянд, ки дар умум 48 нафарро ташкил медиҳанд. Ҳар як иштирокчии даста аз 6 фан (математика, физика, химия, биология, технологияи иттилоотӣ ва география) иштирок менамоянд. Дар рӯзи аввал аз ҷониби иштирокчиён масъалаҳое, ки қобилияти донишҳои зеҳниро талаб менамоянд, ҳал карда мешаванд. Дар рӯзи дуюм бошад супоришҳое, ки донишҳои назариявиро талаб менамоянд, иҷро карда мешавад. Олимпиада аз рўйи натиҷаҳои ҳар як давр ҷамъбаст гардида, дастаи ғолиб аз рўйи натиҷаҳои ниҳоии холҳо муайян карда мешаванд. Хонандагоне, ки холҳои баландро ба даст меоранд, бо медал, диплом ва тӯҳфаҳои хотиравӣ аз ҷониби Сарраёсати маорифи шаҳри Душанбе ва Муассисаи давлатии “Маркази рушди истеъдодҳои назди Сарраёсати маорифи шаҳри Душанбе” сарфароз гардонида мешаванд. Дар асоси ҷамъбасти умумии холҳои бадастовардаи дастаи муассисаҳои таҳсилоти миёнаи умумӣ ва литсей ва гимназияҳо ғолиб бароварда шуда, сазовори Ҷоми Олимпиадаи даставии “Истеъдод” мегарданд. Омӯзгороне, ки дар тайёр кардани шогирдон саҳм доранд, дар асоси тавсияи Кумитаи тадорукоти Олимпиада бо ифтихорномаву сипосномаҳои Сарраёсати маорифи шаҳри Душанбе ва тӯҳфаҳои хотиравӣ сарфароз гардонида мешаванд. Қайд кардан ба маврид аст, ки ғолибон дар маросими ҷоизасупории ғолибони даври сеюми (шаҳрӣ) Олимпиадаҳои фаннии хонандагони муассисаҳои таълимии шаҳри Душанбе қадрдонӣ карда мешаванд.